苗家的故事

阳春之子

Beb hmongb ngoux ncaik ngouxnyangb zhongl dab uat lit lol leb

(douf dlang)

Puat touk muax dol Fab Daik, nil muax ib lenx rongtncaik. Muax ib xongt,  ndox kangd cuatzhangd ghongb duas dangl, zhit muax shout zhit muax nongb. Dol Fab Daik haikdak: ” lenx dus luaf dlex mol naf ad pangb ot, dous dout nongb ghongb zhaodlol, god muab god dol ncaik ghuat dout nil.” Ndox vangs deb zhit muax ib dolnenb gangd mol. Shout ghangt Fab Daik yos dol dled let zhangl muab lol hout nqokbeb nqok, Fab Daik dak:”dol zhax, gaox yuad mol ongt? Zhos nyaos gaox mol dousdout nongb ghongb draod lol, god lax muax dol ncaik ghuat dout gaox.” Uat nitdol dled jouf mol lek. ib mol jouf guat lek jid hnongb jid hmaot. nil ndangb adluaf dlex mol lek nzhout ndox pangb, dlangt bod ib jed nongb ghongb. zhas luafdlex zhaod lol. guat dlex touk , shout jed leb nongb ghongb ndang dlex ndul bongblek. lol zos zhed, Fab Daik zhos nyaob shout dol dled daf got dud dous dout jidnyak nblait nongb ghongb, nzhaol ghangb nit dout  nongb ghongb lol uat dout khoud naox. Uat letFab Daik nzhos dol dled haik dak:” yuad nyaos muax, god muab god dol ncaikghuat dout gaox.” Dol dled nzhos Fab Daik dol ncaik uat jeud dangl ,  nil jouf muab dol ncaik nad drik mol guat nafgot rongd lek. Dol dled cuat hnongb mol dof zhax ghok zhaod lol uat  shad dout nil nyangb naox. Guat lek ndoutxongt, dol nyangb dex zhongl chaot ghob dal, dluat dangl dal, shaok lob goukndeud zhax rongt ncend, nit muab lob gouk ndeud dluat lol zhongl. Daof ghangbnad, jouf ndok ndoub uat uat lob gouk ndeud zhongl hot uat puab dab.